مشكله معقده

ممكن رايكم بهالقصه


انا بنت عمري 19 سنه
من سنتين حبيت واحد اكبر مني ب 3 سنين
اتعرفت عليه عن طريق ايميل صحبتي
ماعلينا
اتعرفت عليه وهو كان يعرف صحباتي كللللللللهم تقريبا 10 بنات
بس كان يكلم ال10 بنات مره عادي وفله ومزح وكده
اما انا كان يكلمني غييييييييير
مره غير
وكان يفضفضلي
وهو كان اول ولد انا لكمتو في حياتي
المهم اول ما اتعرفنا كنا بس مزح وبهلله
بس بعدين اطورت العلاقه بالزات انو كان يحب وحده قريبتو وهي اتزوجت وسابتو غصبا عنها
انا كنت موجوده عشانو وانا اصلا كنت احبو مره بس ماعمري بينتلوو
سبتو اللين هو قلي انو يحبني
انا في البدايه ماكنت ابغى شي يسير لأنو خفت لايكون بس يملي الفراغ اللي في قلبو من حبيبتو الاولى
وقلتلو الكلام دا
جلس يضحم ويقولي لأ لاتخافي ديكا خلاص راحت الله معاها
انا احبك انتي
وجلسنا على دا الحال فتره بس على المسن عشان انا ماكان عندي جوال
وبعدين سافرت شهرين ماكلمتو بس كانت بيننا مسجات ع الايميل
ولمن رجعت قلي لازم تلكميني جوال المهم كلمتو جوال بس ماكنت اقدر اكلمو كتير جوال
سارت مشاكل بيننا أكتر من مره
وأكتر من مره نسيب بعض
ونسيب بعض ممكن لشهرين او 3 ونرجع تاني
لأنو انا مره احبو
كتير قالولي خلاص سيبيه مالك ومالو ازا هو طول الوقت مو معبرك ولا مهتم فيكي قد ما انتي مهتمه فيه خلاص سيبيه
انا احيانا كنت اقول ايوا صح
بس ارجع اقول لأ
انا اأحبوو ومحد راضي يفهم الشي دا
المهم

بعد فتره لمن سبنا بعض اخر مره
اتعرفت على واحد تاني
وحكيتو كل شي سار معايا
هو افتهم الموضوع
وكنا بس اصحاب برضو على المسن
كل يوم كنا نتكلم
هو اكبر مني ب5 سنين
كان يكلمني من الكليه حقتو
وبعدين اتخرج ودور وظيفه واشتغل الحمد لله
وهو يعرف انو انا لسه متعلقه في حبيبي الأول
فجأه صارحني انو يحبني
قلتلو بس انا لسه احب حبيبي
قلي مع الايام حتنسيه وانا ان شاء الله محاقصر عليكي بشي وحاهتم فيكي ومحا اهملك في حياتي
انا اطمنت لوو لأنو بجد الولد مره طيب وكويس وابن ناس وماكزب عليا في ولا شي
ونفسو يجي اليوم قبل بكره يتقدملي بس انا مو قادره لأنو عندي اختي الكبيره لسه ما اتزوجت
و مو حلوه اني اتزوج قبل الكبيره
هو اتفهم الموضوع
وهو مرررره يحبني
شايلني من على الأرض شيل
وانا بصراحه احترموو
وشويه شويه بدأت احبوو
لأنو بصراحه يفرض على الواحد انو يحبو بمعاملتوو وحبوو ليا

ليا مع الاتني تقريبا سنتين باقيلي 4 شهور ونكمل سنتين

فجأه حبيبي الأول رجع تاني يقولي انا احبك ومني قادر اعيش من غيرك
انا في البدايه صديتو لأنو انا احب التاني
بس اكتشفت انو لأ انا احب حبيبي الأول

اصلا قبل لا يرجع حبيبي الأول مدري جاتني حاله
شويه احب التاني شويه ما احبوو
شويه حموت واكلموو
شويه ولا ابغى اسمع اسموو ما اطيييييييقووووووووو
ولمن اكلمو ارتاح
ولمن اقفل اكرهوووو
يعني بجد حاله مني عارفه ايشبي؟؟

ودحين رجع حبيبي الأول

مني عارفه ايش اسوي
نفسي اكمل مع حبيبي الأول لأنو هو اللي أحبوو
هو اللي ابغى اكمل حياتي معاه
لأنو دا أول حب ليا واخر حب

وفي نفس الوقت ما ابغى اظلم التاني
بالزات انو هو مستني سنتين عشان يتقدملي
هو يمديه يتقدم ماشاء الله عندو بيت و وظيفه وجاهز
بس انا مو راضيه
ف ما ابغى اجرحو
ومني عارفه كيف ممكن اقولو انو ما ابغاه

اختي قالتلي خلي الاتنين يتقدمو وشوفي ماما وبابا يوافقو على مين
بس حبيبي الاول لسه بيدرس باقيلو كمان سنه ان شاء الله عشان يتقدم

مررررررررره مني عارفه ايش اسوي
بجد انجنيييييييييييييييييييت
انا احب حبيبي الأول
أموت فييييييييه وربي أحبوو
وما ابغى اجرح التاني
دا مستني سنتيييين عشاني
بس والله ما ابغى اظلمو لو اخدني

مع انو هو بيعاملني أحسسسسن بكتييييييييييير من حبيبي الأول
بس حبيبي الأول ما يعاملني كويس لأنو هو يستحي مني
يستحي يقولي أحبك
يرسلها مسجات
يقول بس فيييييين وفييييييين
يعني انا عرفت هو ايش مشكلتو وعرفت كيف اقدر اتعامل معاه

والمشكله الاتنين يقولولي مانقدر نعيش من غيرك
الاتنين حالفين انو ماليا غيرهم
والمشكله التانيه اني مني قادره اقرر اي واحد فيهم

حتتى لو قررت ما اعرف كيف ممكن أصد التاني

طبعا هاي مش انا بس هاي قصه وحابه اعرف رأيكم فيها

سلام عليكم
انا طبعا رأي بلموضوع
انو تبقى مع حبيبك الثاني لان هذاك راح وعافك ولو كان صادق
كان شرحلك ضروفو وليش يريد يروح وووووو
بس انا برأيي انو من عافها مره يعوفها مرات
وموضوع كثير حلو ويستاهل النقاش
شكرا اميره على الموضوع

اهلين منور يا ملك
كلامك صحيح وانا اعتقدت هييك


بس لازم نشوف ارأء الجمييييع


منور

تبقى مع التاني لان متل مابحكو خد الي بحبك ولا توخد الي انت بتحبو
ومتل ماحكى ملك تركها مره يتركها مرات